له یارییه‌کانی هه‌فته‌ی ٢٨ی لالیگادا بارسێلۆنا سه‌رکه‌وتنێکی ئاسان و رۆتینی به‌سه‌ر ئێیباردا به‌ده‌ست هێنا.
یانه‌ی خاوه‌ن ماڵ له ماوه‌ی رابردوودا هه‌مووانی توشی شۆککردبوو به ئه‌نجامه باشه‌کانی به‌ڵام ئێواره‌ی ئه‌مڕۆ تووشی چواره‌م دۆڕانی له‌سه‌ریه‌ک هات و ئه‌مجاره‌یان به‌رامبه‌ر بله‌وگرانا بوو.
بارسا نزیکه له ناسناوی ئه‌م وه‌رزه‌ی لالیگا و له‌گه‌ڵ هه‌موو بردنه‌وه‌یه‌ک زیاتر هانده‌رانی له‌و هه‌واڵه دڵنیا ده‌کاته‌وه.
له سه‌ره‌تای یارییه‌که‌دا مونیر له ئاسیستێکی سوارێزدا یه‌که‌م گۆڵی تۆمارکرد. ئاسته به‌رزه‌که‌ی حه‌دادی له نیوه‌ی یه‌که‌م درێژه‌ی کێشا و ئه‌مجاره‌یان گۆڵێکی بۆ لیۆ مێسی دروست کرد .
له نیوه‌ی دووهه‌مدا لیۆ سێهه‌می یانه‌که‌ی و دووهه‌می خۆی هێنا له رێگای لێدانێکی سزا. پێش کۆتایی یارییه‌که‌ش سوارێز جیاوازی گۆڵه‌کانی له‌گه‌ڵ رۆناڵدۆی پێشه‌نگی خوله‌که که‌مکرده‌وه و گۆڵی چواره‌می هێنا.
به‌م ئه‌نجامه بارسا گه‌یشته ٧٢ خاڵ و ئێیباریش به ٣٦ خاڵ له پله‌ی هه‌شته‌م دایه.
0 comments:
Post a Comment