ڕۆژێكيان ئيبراهيمى كوڕى ئه‌دهه‌م ڕه‌حمه‌تى خواى لێ بێت به بازاڕى به‌صڕادا تێ په‌ڕى جا خه‌ڵكى ده‌وره‌يداو وتيان
!بۆچى ئێمه دوعا ده‌كه‌ين و ده‌پاڕێينه‌وه وه‌ڵاممان نادرێته‌وه‌و گيرا نابێت
فه‌رموى چونكه دڵه‌كانتان مردوه
.خوداتان ناسى ، به‌ڵام مافى خوداتان به‌جێ نه‌گه‌ياند
وتان پێغه‌مبه‌رى خودامان خۆش ده‌وێ صلى الله عليه وسلم ، كه‌چى سوننه‌ته‌كانيتان واز لێ هێنا
قورئانتان خوێند ، به‌ڵام كارتان پێ نه‌كرد
له نيعمه‌ته‌كانى خوداتان خوارد ، به‌ڵام شوكرانه‌يتان نه‌كرد
وتان شه‌يتان دوژمنمانه كه‌چى گوێ ڕايه‌ڵيتان كردو ئه‌وه‌تان كرد كه ئه‌و ويستى
وتان به‌هه‌شت حه‌قه ، به‌ڵام هيچ كارتان بۆ نه‌كرد
وتان ئاگرى دۆزه‌خ حه‌قه ، كه‌چى لێى هه‌ڵ نه‌هاتن
وتان مردن حه‌قه ، كه‌چى خۆتان بۆى ئاماده نه‌كرد
له‌خه‌و ڕابوون به‌ڵام به‌عه‌يبى خه‌ڵكيه‌وه سه‌رقاڵبوون عه‌يبى خۆتان بير چۆيه‌وه
مردۆكانتان له‌گۆڕنا ، كه‌چى ده‌رستان لێ وه‌ر نه‌گرت
0 comments:
Post a Comment